Nor izan zen Uztapide ? Nor zen hain begirada zorrotza zukan gizona ? Bere izena bertsolari handien lekuan ageri da beti ; ezagutu zutenek miretsi egiten dute. Halere, bere bertsoak ez dira beste batzuenak bezain gogoratuak ; haren ateraldiak ere ez dabiltz ahoz aho. Bere izaera nolabait ezkutatu egin da bere izen handiaren atzean. Entziklopediako fitxa bilakatu da Uztapide.
Liburu hau Uztapide gizonaren bila egindako bidaia bat da. Bere alderdi on eta pattalagoak agertuz. Kapitulu laburrekin jositako oihala duzu liburua. Gauzak luze eta lasai kantatzen zituen gizonaren historia bizkortu nahi lukeen idazkerarekin idatzia. Eta horrekin batera, bertsotan egiteko eta ibiltzeko modu ezberdin baten kronika.