Liburu honetako zatiak mundu gizakorrago egin nahi duten paperezko hartzatxoak dira, banderarik gabeko txalupak, denok barruan daramatzagun kantuen doinuak, nahiko genukeenaren promesak, oraindik krisalidan dauden tximeletak, bultzaka, eguzkia sentitu nahian.
Askotan, hondoratutako itsasontzi bateko hondakinen itxura hartuko dute, euriak eta kresalak dirdaitsu bihurtutako egur puska uhinek hondartzaratuak, deslilurapenak bakarrik eman diezagukeen poesiaren ukituak argituta, zerbaitek gure liburuaren zor eta hartzekoak berdintzen lagunduko digulakoan.