Biblia (Biblea), liburuetan liburua, molde-hizkitan aurren eta sarrien argitaratua izan den liburua dugu, halaber mundu zabaleko hizkuntzetan gehien itzulia ere. Inprimagintzaren sortzailea izan omen zen Johannes Gutenberg-ek argitaratu zuen lehendabiziko liburua "42 lerroko" Biblia izan zen, 1455. urtean, beranduen jota.
Lan honetan Sebastian Garcia Trujillok euskaraz idatzi diren bibliei buruzko ikerketa sakona eta landua eskaintzen digu. Saiakera lan eskerga hau, bestalde, aipamen eta adibide ugariz hornitua datorkigu adituak direnak eta jakinmin soila dutenak, irakurlea orohar, asetu nahian.