On Camillo eta Pepponeren istorioetan ez dago goi mailako literaturarik ; baina bai herri baten garai gatazkatsu bati buruzko gogoeta, satira politikoaren bisturiaz Italiako historiaren zatirik mingarrienetako bat urratzen duena. Horrela, azal irrigarri batez, indarkeriaren mehatxua salatzen da : ideologiak bultzatuta, On Camillo eta Peppone kolpeka ikusiko ditugu ; baina gauza funtsezkoetan ados jarriko dira. Horren aldeko mezua da idazleak eman nahi zuena, uste baitzuen bere herrian gauzak arrazoibidean ipini behar zirela, bestela indarkeriaren aldekoek gerra zibila edo iraultza armatua ekarriko zutelako. Ikusten denez, liburuko istorio irrigarriei ez zaie falta mami serioa eta, tamalez, oraingo euskaldunontzat ere badute mezurik.