Jean burgesa ez da bere mailarekin ondo sentitzen eta langile bihurtu nahi du. Hélène, maila apaleko neska gazte bat da eta bere bizitza aldatu nahi du zoriontsu izateko. Marcel artistak benetako zerbait sortu nahi du. Bitartean Europa irakiten dago. Norberak guztiaren ardura du guztien aurrean, dio Dostoievskik lehenengo orrian, eta norbera askatasunaren atzetik dabil.
Maitasun-nobela ederra dugu esku artean, baita nobela existentzialista sakona eta nobela historiko zorrotza ere. Generoen nahasketa hau klasikoen xumetasunaz eginda dago eta apika horregatik da irakurtzeko atsegina eta interesgarria.