Errealitatea ez da uste duguna, ezta zer izatea gustatuko litzaigukena ere. Forma orok duen itzal ezkutuaren atzean aurki daitekeenaren hasperenetan kausitu ahal dugu, eta hasperen hauek argilunen zirrikituetan azaleratzen dira geuregana iristeko. Itzalen ñabardura ezberdinak atzemanez sortzen dugu geure errealitatearen irudia. Inguratzen gaituen honaindian, argiak eta itzalak nahastuz, jokatuz, eta euren artean talka eginez sortzen diren hasperenen soinuak dastatuz geure kokapena lortzen dugu.