Josefa Espectacion ponteko izena, Karnizero Zaharraneko Joxepa Zestoan argia aspaldi ikusi zutenentzat, Andereño Pepita belaunaldi gazteagoentzat : Pepita Iriondo Alberdi.
Emakume txikia bezain bihotz handikoa, apala bezain zorrotza, isila bezain hitz-jario gozokoa... Nortasun berezia gorde izan du bete Pepitak. Bere bizitzaren arrastoak gure artean utzi nahian Nire pausoak utzi dizkigu betirako paperean iltzatuta. Zestoarrontzat eta Pepita ezagutzen duten guztientzat liburu erakargarria dugu esku artean. Ohe ertzean eseri eta bat-batean hitz-jario gozoan apal-apal, xume-xume ia mende osoko ibilbidea eginez botatako hitzak liburuxka honetan gorde nahi izan ditugu, besteak beste, gure herriko lekukotasun zati bat ere izan daitezen. Bere bizitzarekin batera, Zestoaren historia apur bat ere kontatzen digu Pepitak orrialde hauetan.