Urte hauetan gure herritar askoren bizitzak eta oroipenak eskeini ditu Auspoa onek. Baina apezenik ez, nahiz eta zer kontaturik asko izango duten bai gure parrokietako erretorek eta bai itsas harunzko misiolariek ere. Utsune hori gaur betetzen dugu, ordea, Emile Larre adixkidearen aurobiografia honekin.
Pelikula batean bezala agertzen zaigu orrialde hauetan baserritar mutiko baten bizitza : eskolara joan-etorriak, lagunekin jostatzeak, etxeko lanetan laguntzea... Ondoren, semenarioko ikasketak eta apez lanak, han eta hemen eta beti ere herri biziari loturik.
Baina liburu hau ez digu gizaki baten bizitza bakarrik eskeintzen. Aintzin-solasak dionez "1926etik hunat 20. mende hori bisitatzen dugu, urratsez-urrats, herri hunen itxur-aldatze guziekin". Bidai guziz interesgarria, beraz ; bainan bai erakargarria eta aberatsa ere.
Eta hori dana Baxenabarreko hizkuntza jator eta gozoz jantzia : "euskara garbi iturri hortarik sekula baino gehiago edatearen beharra badugularik".