Lehendik ere baditu artikulu batzuk han-hemengo egunkarietan argitaratuak San Migelgo baselizaren gainean. Liburu honetan, iturri oinarrizkoenak erabiliz eta zuzeneko lekukoa izateak ematen dion ezagutzaz baliatuz, Nafarroako baselizarik zaharrenaren inguruan ibilbide historiko eta artistiko biziki jakingarria egiteko aukera eskaintzen du, dena nafar hizkuntza freskoan idatzia. Eguzki-loretik eguzki-lorera ez da ezer galtzekorik: Aralarko kultura megalitikoa, San Migelgo baseliza, esmaltezko erretaula, azken berriztatzeak, Anaidiko gorabeherak... San Migel Aralarkoak, antzina bezala egun ere, Euskal Herriko edonorrentzat erreferentzi gune garrantzitsu izanez segitzen du.