Deabruaren hiztegia 1881ean hasi zen argitaratzen astekari batean, eta Biercek berak dioenez, tarteka-marteka osatuz joan zen 1906a arte. Osagai desberdinak ditu : hitzen definizioak -hori da liburuaren bizkarrezurra- epigramak, ixtorio laburrak, pasadizoak, bertsoz definitutako hitzak, baina beti ikuspegi zinikotik eginak. Ez, ordea, "ziniko" hitzak gaur egun hartu duen zentzuan, baizik eta jatorrizko zentzuan, berak definitzen zuenaren haritik, alegia :
Ziniko, iz. Ikusmen akats baten ondorioz, gauzak, behar luketen bezala ikusi beharrean, diren bezala ikusten dituen lotsagabea. Hortik sortu zen Esziten artean zinikoari begiak ateratzeko ohitura, hari ikusmena hobetzeko.
Gauzak gordin agertuko dizkigu, beraz, Deabruaren Hiztegiak.