Liburu hau bizitzak noizbehinka eman ohi dituen zartako horietako batek eraginda sortua da, Urteetan Euskal Herrian aritu eta, halako batean, lekuz eta kulturaz oso bestelakoa den hiri batera, Madrilera, joatean, han, berehalaxe, HIESaren arazoarekin egiten du topo egileak. Gazte-taldetxo batek heriotzaren aurka eta giza duintasunaren alde daraman borrokak erabat hunkitzen du haren barrua eta, babes bila, bere jaiotetxera abiatzen da. Lehen zatia, bada, egilearen autobiografia antzeko zerbait da. Bigarrenean, osoki, ihesdunen gazte-talde batek bizi duen borroka etsia deskribatzen da, Jaire gazteak protagonizatzen duena. Borroka-egoera horretan ere giza duintasunari eutsi egin behar zaio, gaitz horren aurka gizarteak zuen eta duen mesprezioari aurpegi aman eta, bide batez, zientziari birusaren aurkako ahaleginetan lagundu. Hori guztia egunkari-moduan azalduta dator, bizi eta gordin, eta idazkera dotorean.