Larunbatero bezala, Maddi superrera doa aitarekin eta amarekin, asteko erosketa egitera. Baina, berak nahiago du hondartzara edo mendira joan. Hala ere, haiekin joan beste erremediorik ez du.
Behin superrean daudela, aita eta ama haserretu egiten dira eta alde egiten dute bertatik, Maddi ahaztuta utzita. Orduan hasiko da benetako abentura neskatoarentzat. Gauez, superreko ateak itxita daudela, bera izango da hango jabea, dena izango du eskura : litxarreriak, telebistak, jostailuak...