Deustuarrek eta instituzioek utzitako materialaz liburu bi argitataratu ditut. Honako hau azken argazkia da. Irudi horrekin gaur egun Deustuko Errepublikako historiak bizi-bizirik segitzen duela nabarmendu nahi dut. Horra hor gure herriko udal autonomia, Alkatearen irudian islatuta. Erriberako industria eta portu giroa Mariñelak hezurmamitzen ditu. Eurekin batera, andre bi: Txakolingileak Deustuko baserriak ordezkatzen ditu bere produkturik famatuenarekin ???txakolina??? eta Sirgariak, aski ezezaguna bada ere, ogibide garantzitsu bat dakar gogora, itsasadarrean gora eta behera gabarrak eta barkuak garraioan eramaten zituzten emakumeak alegia.
Ondalan konpartsak suspertu ditu pertsonajeok, eta baita Deustuko antzinako bizimoduko beste batzuk ere: Pilotaria, Esnesaltzailea, Ikazkina eta Laiaria.
Erraldoi horien bidez gure txikiei jakinarazi ahal diegu pertsona horiek nortzuk ziren eta gure historian zelako leku handia eduki duten, gure bihotzeko Deustuko Errepublikako historian ere partaide senti daitezan.