Antso Nagusia errege euskaldunaren gorputza, hilik ez baizik eta lo egon da ia 1000 urtez. 1004an koroatu zutenetik mila urte biribil-biribil betetzean, Euskal Herri nahasi, zatitu eta oso erdaldunduan esnatu da. ETA erakunde armatuak, nola edo hala, bere buruzagitzara ekarri nahi du Antso Nagusia, garai batean euskal lurralde guztiak baturik eta burujabe eduki zituen errege handiak, berriz ere, nahi hori bete dezan.Erregeak, antzinatean bezala, maite duen herriari begiratu eta erabaki irmo bat hartu beharko du.