Solasean eta Jolasean izeneko materiala HABEk Eusko Jaurlaritzako Jarraipen-programaren baitan sortutakoa da. Programa horrek erabilera handiagoa eta hobea indartzeko neurriak hartzea du eginbide, lehentasuna emanez ahozko erabilerari eta belaunaldi gazteekin harreman hurbilagoan dauden belaunaldi heldu eta euskaldunei. Bi modulo argitaratu dira: Umeen jolasak eta kantak eta Ipuinen kontaketa.
Ipuinen kontaketa moduloaren bidez ekarpen txiki bat egin nahi izan da euskararen jarraipen-programaren baitan. Ipuinak kontatzeak gurasoen eta seme-alaben arteko komunikazioan daukan garrantzia azpimarratzea du helburu eta, orobat, ipuinak egoki kontatzeko hainbat baliabide hizpide eta hausnargai jartzea. Era berean, umeei ipuinak kontatzen dihardutenen hizkuntza gaitasuna hobeagotzen laguntzea, moduluak ematen dituen aukeren arabera, jakina.
Hiru liburuska (Ikaslearena, Irakaslearena eta honen eranskina) eta bideo-zinta bat argitaratu dira.