Euskara hizkuntza zaila dela diotenak aitzakiarik gabe uzteko asmo ironikoz, Euskunsa edo euskara erraza liburua eman du argitara Aitor Arana idazleak (Legazpi, Donostia, 1963), Hiria argitaletxearen eskutik. Esperantoaren logika aplikatuz, euskara erraza sortu du Aranak, eta liburuan euskara hori nolakoa den azaldu, inolako asmo akademiko edo pedagogiko seriorik gabe, «txantxetan» baizik, «zirikatzeko eta gogoeta eragiteko asmoz».