Liburu honetan Xarles Videgainek bildu dituen 80 ipui laburrak ez dira denak ezezagunak. Badaki zor handia baduela egileak, nolaz ez, haren aitzinetik “herri-jakintza” argitaratu duten Cerquand, Vinson, Azkue, Trebitsch, Barandiaran eta beste jakintsu andana batekin.
Halere, liburu honetan badaude egileak berak entzun dituen ipuiak hala nola Laminosineko ipuia Oztibarren, Etxekortekoa Urdiñarben, Üztarbekoa Larrainen, Ahüzkiko iturrikoa eta han hemenka agitu omen diren gertakariak. Okiloaren istorioa, Izurako erleena ere sartu ditu egileak ustez eta irakurleak plazer hartuko duen haien berri izatearekin. Eskerrak bihurtzen dizkio egileak ipuiak kondatu dizkioten J.P. Belchit, P. Petotegi, J.B. Borthiri, J. Casaubon, Jaragoihen, P. Zalthu?, G. Jauregibehere, Tt. Oxandaberro, P. Orbiscay eta J. Etxebarne adiskide oroei.
Ipuiak, liburu batean agertzen diren ber, idatziak dira. Baina ez ahantz lehenik haurrek nola adineko jendeek entzunak izateko jin eta jitekoak direla. Liburu hau zubi bat baizik ez liteke izan behar gure ondokoek ezagut dezatela gure aitzinekoek utzi jakitatea.