Mugaz gaindiko harremanak garai berrietara egokitzen ari dira, baina sortzen diren arazoei erantzuteko orduan atzetik doaz erakundeak. Lankidetza egituratu beharra ikusten da.
1. Gipuzkoar ainitzek erosi dute etxea Lapurdin, baina Hegoaldean lan egiten jarraitzen dute. Bi estatu eta administraziotan izateak hainbat arazo eragiten ditu, eta instituzioek ez dute laguntza berezirik ematen.
2. Frantziako zerga etxeak Hendaian hasi diren gipuzkoarrak zergak bertan ordaintzera bultzatu nahi ditu.
3. Apartamentuen eta etxeen prezioak Gipuzkoan baino apalago ziren duela zenbait urte, baina gaur egun ez da hain interesgarria, diru aldetik, Hendaian erostea.
4. Euskal Herriko barne muga politikoak inguruko herritarren egunerokotasunean duen eragina aztertu du Aitzpea Leizaolak (Donostia, 1971) amaitzear duen tesian. «Zernola ulertzen dituzten beren arteko harremanak, espazioaren ikuspegitik hasi eta muga baliabide bihurtzeraino», zehaztu du. [...]
5. Felipe Saragueta abokatu beratarra Zugarramurdiko eta Urdazubiko udalen (Nafarroa) idazkaria izan zen ; eta, orain, haien abokatua da. Bidasoa-Txingudi (Gipuzkoa-Lapurdi) mugaz gaindiko partzuergoko zuzendari izan zen ; eta, orain, aholkulari juridikoa. Bera eta Urruña arteko Ibardingo merkataritza gunearen aholkularia ere izan da. Hainbat lan idatzi izan ditu mugaz gaindiko euskal harremanen inguruan. [...]
6. Euroeskualdearen konferentziak eguneroko arazoak elkarrekin aztertu eta konpondu nahi ditu, garraio, osasun eta unibertsitatekoak nagusiki.