Musikak sentimenduak azalerazteko ahalmen berezia du, komunikatzeko eta emozioak eragiteko tresna ikaragarri baliagarria baita. Eta, hain juxtu, horretan oinarritzen da musika-terapia. Arantza Bereziartua psikologoa eta musika-terapeuta da eta hainbat musika-tresnaz baliatzen da gaitz ezberdinei aurre egiteko. Autismoa, Down sindromea edota Alzheimerra duten pertsonekin lan egiten du eta doinuen bitartez aurrerapen handiak egiten dituztela esan digu.