Jolas liburu honek izenburuak iradokitzen duen “ikusi-makusi” jolasa du oinarri. Liburuko jolasean, abereen eta gizakiaren arteko harremana adierazten da. Tonua arina eta jostagarria da.
Egiturari dagokionez, orrialde bakoitzean abere bat agertuko da galdera batekin eta hurrengo orrialdean, grafismo landuraren bidez lortutako ezuste eta harridura handiz, abereak galderaren erantzun bitxia emango du.
Ilustrazioek forma eta koloreekin jolasten dute, irakurlearen aurre-iritziak kolokan jarriz. Ilustrazioek liburua guztia bereganatzen dute eta liburuaren balio handienetakoa ilustrazioen bitxitasunean datza.