Pello Lizarraldek (Zumarraga, 1956) 'Orbanak' nobela aurkeztuko du datorren astean, Ereinek argitaratua. Hilketa bat du abiapuntu: herriko fabrikan lan egiten duen ingeniari aleman baten emaztea hilik azaldu da pagadi batean. Ez dakigu iheslearen izenik; soilik orbain bat duela lepoan. Ez dakigu hiltzailea hura den ala ez, baina ihesi eta ezkutuka agertzen zaigu. Begiek, belarriek eta usaimenak iheslariaren ibilera larriaren, uxakaren edo bareagoaren berri ematen digute zehaztasun eta bizitasun handiz. Paisaiaren barruan hartzen du arnasa nobelak —eta orbanak—, iheslariaren pauso sosegatu edo arinagoen martxan.