Senar-emazte bat eta bere bisitariak barrualde «ingeles» batean berriketan. Ohiturazko komedia askoren eta vaudeville askoren antzeko kontakizuna, beraz, neskamea eta suhiltzailea eta guzti, eta baita ordularia eta guzti ere, ukazioaren grinak hartutako ordulari temoso eta zirikatzaile honen hizketa beste pertsonaien hizketa bezain esanguratsua baita askotan. Baina dena dago edozein momentutan lehertzeko zorian, pertsonaien ohiz kanpoko jokabidearen eta ustekabeko gertaeren mehatxupean.
Lau pertsonaia normal, egongela normal batean, solas ustez normal batean... Normaltasun ororen azpian ezkutatzen den absurdoa eta zentzugabekeria nabarmen uzten dizkigu egileak, literatura unibertsaleko eta antzerkiaren historiako pieza ezinbestekoa bihurtu den obra honen bitartez.