Eñaut Etxamendiren idatzien bosgarren bilduma hontan bere elelaburren argitalpena jarraitzen dugu. Lehenetan bere munduaren adierazpen zabalarekin ginen : lurraren bizia eta biziaren borrokak mundu menperatu baina duintasunez betean. Beste jarrera bat nabaritzen da hemengo testuekin : jendartearen nekeak eta gaurko biziaren agertzeak, lan gabeziak, alkolismoa, bortizkeri isila. Guzia hizkuntz aberats eta lirikoarekin idatzia da, jendearen maitasunaren suak beroturik. Autorearen ausartzia eta ikerlan sakona nabaritzen da elizaren mundu bati emaiten dion begiradan. Oro har, bizia, amodioari esker dela garhaile, sendiarazten da testu mingarri bezain hunkigarrietan.