Filgi Claverie Dantzaz elkartearen eta Biarritz Junior Baleta konpainiaren zuzendaria da. Kulturaren munduan ibilbide luzea du Claveriek, baina oso bestelako lanetan aritutakoa da. Izan ere, Miarritzeko Kultur Elkarteko zuzendari izan baino lehen, gizarte laguntzaile gisa aritu baitzen. Euskal kulturarekiko harremana estutu nahi zuelako eta bere arbasoen ondarea babestu nahi zuelako hasi zen euskara ikasten. Aiton-amonak euskaldunak zituen eta 14 urte zituenean bere kabuz ikastea erabaki zuen. Iparraldeko gau-eskoletara joaten hasi zen eta, geroago, euskarazko argitalpenak irakurriz aberastu zuen hizkuntza. Iparraldeko hizkera ederrarekin, Filgi Claverie dotoretasun handiz mintzatzen da.