Kartzelatik idatzi izan du beti Jokin Urainek: bi nobela, kronikak, poemak... Preso dago 1986. urtetik.
Jokin Urainen Errotarria liburua kronika bilduma bat da, 1936tik 2005era bitartean jazotako borroken eta derroten antologia bat. Errepresioaz eta kartzelaz eta deserriaz dihardu... historia eta gertaera anitzek, pertsona askoren testigantzek bat egin dute. Aldizkarietatik, liburuetatik, gutunetatik, argazkietatik, bisitetatik mintzo zaizkio denak Urainen eskuari.
Etenik gabe biraka ari den herri baten harri astuna da Errotarria : libertateari eskainitako kantu errimea, eta haren ukazioa.