Xabier Etxeberria idazleak (Zarautz, 1974) 'Udazkeneko lorea' eleberria aurkeztuko du datorren astean (Elkar). Esan ezin direnei edota esatea komeni ez direnei buruzko eleberria da. Hiru istorio gurutzatzen dira ustekabean, eta, halabeharrez edo, bizi dituzten pertsonaien sekretuak bere horretan geratuko dira, ezagutzera eman gabe. Izan ere, idazleak berak dioen bezala, guztia ezagutzea ez da beti ona ; gehienetan, ez jakiteak babestu egiten gaitu. Egiak aurpegi asko baititu, eta gezurrak ere bai. Eta, batzuetan, gezurra da egiaren aurpegietako bat.