Irisarrin hasiak dira 2012ko uztailan eginen duten kabalkada prestatzen : bilkurak, gogoetak herritarrekin, dantza errepikak, joste tailerrak besteak beste. Denentzat dantza elkarteak hartu du bere gain kabalkadaren koordinaketa. Prestaketa lanen artean, uda bukaeran, dantza errepika bat antolatu zuen herriko plazan, herritar xaharrak gomitatuz mutxikoen eskaintzera. Paradaz bali, Irisarriko laguntzaile batzuek erreportai baten egitea pentsatu zuten eta bi herritar lekuko galdezkatu : Henri Haran eta Joseph Etchebehere. Beren haur denborako bestak, dantzan ikasteko urratsak eta oroitzapenak kondatzen dauzkigute, artetik, ikusten ditugula dantza pikoak Irisarriko molde xaharrean emaiten...