1. Euskal Herriko Unibertsitateko bost doktorek Deba eta Zumaia bitarteko flyschei buruzko bi liburu digital argitaratu dituzte. Modu errazean erakutsi nahi dizkiete flyschen inguruko sekretuak irakurleei.
2. Euskal Herriko Unibertsitateko zientzia eta teknologia fakultateko estratigrafia eta paleontologia saileko burua da Estibaliz Apellaniz. Urteak daramatza Zumaiako flyschetako arrokak ikertzen. Orain, urte hauetan lorturiko jakintza jendeari zabaltzea erabaki dute Apellanizek eta beste lau doktorek. Bi liburu argitaratu dituzte horretarako, elkarren osagarriak. «Askotan, zientzialariok gure baitan bilduta egoten gara, eta ahaztu egiten zaigu gizarteari erakutsi egin behar diogula egiten duguna». Horixe da liburu hauen helburua: jendeak Zumaiako flyscha ezagutzea. [...]