Hasierako garaietako zurrunbilo ilunean deabruak ziren jaun eta jabe. Haien arteko borroka latzen ondorioz, giza arraza behin betiko galtzeko zorian egon zen. Tribu handienetako aztiek, baina, indarrak batu eta deabruak putzura bota zituzten. Gizateriaren biziraupena kinka larrian zegoen, aztiek egin zezaketenaren esku, hain zuzen.
Erdi Aroko fantasiaren testuinguruan, “Mystikal” lanak Eldyn aurkeztuko digu, akats “ñimiño” batengatik hil edo biziko borrokan murgilduta dagoen azti aprendiz gaztetxoa, trakets, baldar eta inozente samarra. Egindako okerra zuzendu beharrez, Fira ninfa txikia izango du lagun ; bidean topatuko dituztenak, berriz, lagun edo etsai.