Zerk bultzatzen gaitu euskaldun gisa agertzera taula gainean liliak oro jantzi ederretan eta mila kolorez dantzan bihotzetan ?
Dea euskaldun bezala bizi nahi dugula errateko, ala euskaldun izatea iraganeko istorio bat bezala bizi dugulako jadanik, edergailu bat, kusku bat noitenka jantziko duguna kontzientzia lasaitzeko ?
Galdera hauen eta beste zenbaiten inguruan mugitzen dira "West Ibarre side story"-ko 140 Oztibartar aktoreak, dela dantzan, kantuan, bideoan, antzerkian ala bertsutan parte hartuz gogoz eta bihotzez.
Bunuztar Xoriak dantza taldearen 30. urteburukari muntatu "erokeria" honek, 2004ko Uztaileko 13 eta 17ko gauez 4000 ikuslierren biltzeko gaitasuna izan badu, ez du nehori lokartzeko xantzarik utzi, bakoitzaren bihotz barneraino heltzeko behar dena egin baitute dela gaia ala moldearen aldetik.