2012ko uztailaren 15ean Arrokiagan iragan da Jose Mendiague pastoralaren mustraka. Momentu inportanta zen herritar eta parte hartzaile guzientzat, errepika nagusia baitzen. Jantziak entseatu dituzte, pastoralaren gidoia landu, eta jadanik lekuan den oholtzaren gainean lehen urratsak egin. Eguna segitu dugu, solastatuz herritar batzuekin eta herriko auzapezarekin. Jakin Jose Mendiague joan den mendeko bertsulari-musikaria ohoratzen duen pastorala uztailaren 29an eta agorrilaren 5ean Arrokiagan iraganen dela. Jean Bordaxar-ek idatzirik, euskaldunak Ameriketan lema jorratuko du.