Euskal Herriko Ipuinen Bildumaren hirugarren atala da esku artean duzuna. Aurreko bi ataletan bezala, ipuinak idazle ezagun eta berrien eskutik datozkigu; Anjel Lertxundi, Joxemari Iturralde, Andoni Egaña, Takolo, Pirritx eta Porrotx-Mitxel Murua, besteak beste.
Lehengoetan bezala, ipuinak euskaraz eta ingelesez argitaratu dira eta idazkien irakurketa errazteko kalitate handiko marrazkilarien lankidetza ere izan dugu.
Ipuina munduko bazter guztietako umeen hizkuntza izanik, aurtengo Ipuinen Bilduman Irlandatik etorri zaigun gaelikoz idatzitako ipuina ere argitaratu dugu. Hona hemen, bada, hamar idazlanez osatutako ipuin bilduma zoragarria!