Karmele Jaio idazleak (Gasteiz, 1970) hirugarren ipuin-bilduma aurkeztuko du datorren astean, 'Ez naiz ni' izenburua duena. 'Hamalau zauri' eta 'Zu bezain ahul' ditu aurrekoak. Liburu berriak baditu haiekin lotzen duten ezaugarriak, eta desberdin egiten duten bereizgarriak ere bai. Aurrenekoen artean aipa litezke giza harremanak, bikote barruko gorabeherak, komunikazio arazoak... Berritasunen artean, istorioetako batzuk luzeagoak direla orain, ñabardura gehiagoz beteak; bestetik, protagonistak helduagoak bihurtu dira, 40 urteko krisia bizi dute, etapa bat itxi eta aldi berri bati ekin nahi liokete…