Anjel Lertxundi idazleak (Orio,1948) 'Paper-festa. Minimalia' ipuin, kontakizun eta istorio laburrez osatutako liburua aurkeztuko du bihar. Narraziootan, bizitza kontatzeaz gainera, kontatzen da literaturaren abentura ere. Bizitza eta idazkuntza txanpon beraren aurkia eta ifrentzua baitira, liburuan txanponaren alde biak ageri dira bat eginda, noiz harmonia onean, noiz harmonia liskartsuan, baina inoiz ez bakoitza bere aldetik bizi diren testu gisa, besteekin batera baizik, elkar osatuz eta elkarri lagunduz, liburua testuen elkarren arteko ehunduraren baten emaitza baita, hainbat narrazioz osatutako narrazio bakarra, eta ez hainbat testuren pilaketa soila.