Jon Alonso idazleak (Iruñea, 1958) Zintzoen saldoan (Txalaparta) nobela aurkeztuko du datorren astean. Enekoitz Ramirez Lanbas etakide ohia, preso ohia, arte salerosle ohia eta lapurra orain taldetxo batekin euskal jatetxerik onenetan lapurretan ari da. Baina negozioa zeharo okertuko da norbaitek euskal sukaldaritzaren etorkizuna hiltzen duenean : Kepa Pedrotegi sukaldaria. Enekoitzi egotziko diote hilketa, zeinak gau horretan Pedrotegiren jatetxean afaldu zuen, eta, salaketa horretaz libratzeko bidean, abokatu, sukaldaritza kritiko, polizia eta bestelako jendilajearekin nahastuko da. Baina, haren zoritxarrerako, oraingoan zintzoen aldean.