2012ko urriaren 11an Aldudeko ezker paretan publikoan grabatu den emanaldia, euskaraz.
Aldudeko ibarreko hiru herrietako 90 bat biztanlek gogoeta sail batean parte hartu dute 2012ko udan. Ibarraren geroaz elgarrekin solastatzea, herrien hustea geldiaraztea eta hautetsiek eta eragile ezberdinek abiatu dinamika azkartzea ziren programa hunen helburu nagusiak. Pirinioetako MAAP egiturak animatu ditu bilkurak, Aldudarrak Bideo eta Euskal Herriko Garapen Kontseiluaren partaidetzarekin. Bost erronka nagusi aztertuak izan dira (soziala, ekonomia eta zerbitzuak, kultura eta nortasuna, ingurumena eta ondarea, bakartasunetik ateratzeko neurri fisiko eta numerikoak), eta biztanleek ekintza batzu proposatu dituzte.
Bi oren eta 40 iraun duen gaualdian, 12 erreportaia, filma labur, fikzio eta dokumental ikusi dira, artetik, ezker paretan bildua zen publikoaren ihardokitze eta oharrak entzun direlarik.