Hogoigarren mendeko bigarren partean eta hogoita batgarreneko hasiera huntan Euskadi osoan, eta batez ere Iparralde huntan, bertsularitzak aipamen hartzen du fama handia bildua zuten batzuek utzi hatzarekin eta orai petik gora abiatuak diren gazte batzuekin. Idurituz bertsularitzak iparraldean ezagutarazteak balio zuela, XVI-garreneko Bernat D'ETCHEPARE-tik hasiz, neurtitz eta bertsutan, bai bat batekoan, bai idatzietan, aberastasun ederra daukagu sail hortan. Hendaia hegitik hasiz eta Atharratzeko xokoetaraino aurkitzen dira asko eta, dudarik ez, horien ezagutzaren egiteak plazer handia sortuko duela irakurleari. Hemen dago dotzena bat urte osoren lana geiengoa ikerketa lanetan eta lekukotasun bila lendabiziko emaitza hunetan.