Gaztelako tropek Nafarroa konkistatu zuteneko 5. mendeurrena izan dela eta 2012ko irailaren 7tik 16ra Euskal Herriko historialarien III. biltzarra egin zen Arrasate, Leitza, Agoitz eta Iruñean. Erresumaren inbasio eta okupazio hark hizkuntzan, politikan eta arlo guztietan izan zituen ondorioei buruzko txostenak eta komunikazioak aurkeztu zituzten punta puntako hogei aditu inguruk. Horien artean Jean Louis Davant, Koldo Zuazo, Luis María Martínez Garate, Floren Aoiz, Pello Guerra, Jon Oria, José Luis Orella, Mikel Sorauren, Estíbaliz Gonlzalez Dios, Lourdes Soria Sesé eta Joseba Asiron. Liburu honen bidez txosten eta komunikazio haiek Nafarroaren historian interesa duen edozeinen esku geratzen dira.