La Finca Vigia bere aspaldikoan dirau. Alegia, bere jaberik ezagunena, Ernest Hemingway, duela berroigeita bost urte hil balitz moduan, hil ere hil zen moduan, etxea inguruko oihanaren erasoen mende utzita. Zurezkoa eta, beraz, edo berez, sitsek eta hezetasunek eraistera kondenatua. Halaxe dago askoren santutegia, etxeari Ernestek hain gogoko ez zuen Faulkneren liburuaren titulua emanda.