Mariasun Landak (Errenteria, 1949) 'Inurrien Hiztegia' aurkeztuko du etzi, astelehenean, Pamiela argitaletxearekin kaleratutako ipuin laburren bilduma. Inurriak agertzen dira liburuko narrazio guztietan, eta izenburuan hitz bakarra, substantibo bat. Haur eta gazte literaturaren arloan, euskal idazleen artean gehien itzuli eta saritu den idazlea da Landa, baina oso urriak dira helduen literaturako bildumetan argitaratu dituen liburuak. 'Inurrien Hiztegia' Landak helduentzat argitaratzen duen fikzioaren arloko aurreneko liburua dela esan daiteke. Hona hemen liburuko ipuinetako batzuk.