Ander gayei buruzko gaia lantzen duen euskarazko lehen film luzea da. Berrogei urteak beteak dituen baserritarra da Ander. Ama eta arrebarekin bizi da baserrian, eta bizikleta lantegi batean eta baserriko lanak egiten ematen du egun osoa. Istripu batean hanka hautsiko du eta, baserriko lanak egin ahal izateko, José izeneko Peruko etorkin bat kontratatuko dute, Anderren amak errezeloak izan arren. Joseren etorrerak etxeko bizitza ez ezik, Anderren bizitza ere aldatuko du. Izan ere, ordura arte inoiz izan ez dituen sentimenduak sortuko zaizkio eta horrek bere buruarekin gatazka eragingo dio.