Inguru hauetan sagardotegi sasoia dugu, txotx garaia. Ingeniari askoren topaleku, upelen ondoan egiten diren iruzkinak adituta, bederen. Basoa sudurrera hurreratzen baduzu, begiratu egingo zaituzte: edale eskasa, nonbait. Sagardoa hartu eta, rau!, barruan sartu behar omen da. Ez ahalegindu zeure jarreraz inor konbentzitzen, dagoeneko jendea aspertuta baitago ilustratu horien ahotik azalpen arraroak aditzen.