Gaur mundua hankaz gora esnatu dela dirudi. Margaritak orrazia galdu du, Lamia haserre dabil, Anbotoko Anderea maldizioka, aitona urduri, Basajaun... Korapilatzen ari zaio eguna Inaxitori. Asmatuko ote du korapiloak askatzen ?
Euskal Herriko sinesmen zaharretara bidaiatzeko gonbita luzatu digu Trikuharri taldeak. Gure kultur memorioaren oinarri dira garai bateko mitoak. Mundu ikuskera zaharraren bide zidorretan barna dabil Inaxito, eta gu ere berarekin garamatza. Bidelagun egin gaitu iraganera begitantzeko ahalegin horretan, eta ohartu gara oraina elikatzeko balio izan digula.