Zuria eta gris argia kolorez, hainbat solairu zituen fatxadak, inguruetako luxuzko etxe handien aberats berrien patinarekin. Ate nagusiak zurez forratutako bebarru estu batera ematen zuen. Ia argirik gabeko horma beix aspergarriak. Nola eragotzi bestela, pizza banatzaileei eta gailetak saltzen zituzten eskaut-neskei haietaz susmo txarrik hartzea ? Baina bebarru faltsu haren atzean bigarren ate bat zegoen, benetakoa, benetako etxerako sarrera zena, non dekorazioestiloak jauregi baten handitasuna hartzen baitzuen.