Pelik eta Dorak, elkar gutxi ezagutu arren, betiko gorrotatzea erabaki zuten. Horregatik zihoazen autoaren atzeko eserlekuan nor bere leihotik begira, kopeta izurtuta, besoak gurutzaturik, eta muturra tapirrarena bezain luzea, mendi puntako etxe bakarti baterantz. Hala ere, asteburua bukatzear zela, pentsatu zuten nekez ahaztuko zutela hasi berria zen garai berri hura. Eta ez zuten batak besteari hitzez adierazi beharrik izan, nahikoa izan zen begiradarekin.