Inoiz basamortura joaten bazara, bila ezazu iltze-kanelaren eta kearen usaina duen hiria, emakume urrina dariona. Izar gau ezin ederragoak ditu, harea finezko dunek tapizatuak. Inoiz basamortura joaten bazara, galdetu amona Ugagoz, ile zuriko amonaz. Hura aurkitzeko zoriona baduzu, eska iezaiozu gogoan dituen istorioak kontatzeko. Sahararen sekretuak gordetzen ditu Ugagok, eta haren ahotsa entzun nahiko duzu gau guztian, han, Smarako hirian.