Euskal kulturako pertsona ezagunek idatzitako 8 ipuin biltzen dira bilduma honetan, urtaro bakoitzeko ipuin bi. Balioetan oinarritutako ipuin bakoitzarekin batera, ilustrazio handi bat eta honekin egiteko lanketa proposamena aurkituko dituzu. Horrez gain, literaturaren garrantzia euskal kulturaren transmisioan, txikitatik balioetan heztearen garrantzia eta ipuin kontaketen garrantzia heldu-haur harremanean ere azalduko dira. Ipuinak grabatuta daude liburuarekin batera doan diskoan (CD). Baina ez hori bakarrik, zeinu hizkuntzan ikusi eta irakurri ahal izango du liburua eskuratzen duenak (DVD), eta brailez (.BRA) ipuinak inprimatzeko aukera ere badago.