Astralamustrika bildumaren zazpigarren liburua argitaratu du Udalak. Xabier Susperregik idatzi duen Sorginen liburua da bildumako azken argitalpena. Euskal Herrian sorginen eta sorginkerien inguruan dagoen tradizioa jaso du Susperregik eta hiru ataletan josi du. Alegiak, zaharren testigantzak eta ipuin klasikoak bildu dira liburuan, eta Euskal Herrian sorginen inguruan izan den historiari buruz jakiteko ere baliagarria da : XVII. mendean "sorginen" kontra Euskal Herrian abiatutako ehiza dakar gogora, hamarnaka gizon-emakume kondenatuz, esate baterako.