San Kristobal gotorlekua deitutako ziega frankistatik bizirik atera nintzen, eta belarrira heldu zait Iruñeko zenbait agintarik lohitu nahi dutela hango harrien azpian izandako ehunka hildakoen eta inguruetan «zorigaiztoko borrokan» zendutakoen oroitzapena.
Guk, 1939an bidegabeki gailenduok, ez genuen sekulan sinetsi trantsizioak, edo, hobeki esanda, transakzioak, garaile bihurtuko gintuenik; besteak beste, garaituak izan ondoren ez baita atzera egiterik. What is done cannot be undone. Hala ere, itxaropena genuen diktadura gaiztoko urte anker eta luze horien miseriak noizbait geldituko zirela. Ez du hala ematen. [...]