Tragedia emeak : emeak, emakumeak direlako protagonista nagusi. Emeak, tragediarik handienek ere emetasunerako tartea ere izan ohi dutelako. Emeak, jorratzen dituzten gaietako batzuk emakumeek pairatu behar izaten dituztelako, batez ere. Emeak, tramak bare doazelako, hitz garratzek eztitasunez ere beterik datozelako, ekintzarik arinenetan gelditasun gozo eta lasairako tartea ere izaten delako. Emeki datozen tragediek amaiera bortitza izan dezaketelako, eta bortitz hasitako eszenek akabera emeak. pertsonaia emeen irmotasun barea eta pertsonaia arren ahuldade artega emeki-emeki ehuntzen dituzte ale honetara bildutako bi antzezlanek.